Дүниежүзілік еңбекті қорғау күні
28 сәуір — Дүниежүзілік еңбекті қорғау күні. Осы күні аудандық Мәдениет үйінде мерекелік іс-шара өтті. Аудандық білім бөлімі мен кәсіподақ комитетінің атынан мектебіміздің шаруашылық меңгерушісі Сатова Алия Абдиазизовна жоғары кәсібилігі мен еңбек қауіпсіздігін қамтамасыз етуге қосқан елеулі үлесі үшін Құрмет грамотасымен марапатталды. Алия Абдиазизовнаны лайықты марапатымен құттықтай отырып, зор денсаулық, амандық және алдағы жұмысына табыс тілейміз!
Экскурсия
24 сәуір күні 9-сынып оқушылары кәсіптік бағдар беруші Белицкий М.А.-ның жетекшілігімен Булаев кәсіби даярлау және сервис колледжіне барды. Бұл экскурсия оқушыларға болашақ мамандықты таңдауға көмектесу және орта арнаулы білім беру мүмкіндіктерімен таныстыру мақсатында ұйымдастырылды. Оқу орны бойынша экскурсияны директордың орынбасары Бакиров Б.М. жүргізді. Ол колледжде қандай мамандықтар бойынша білім берілетіні, қабылдау шарттары мен оқу үдерісінің ерекшеліктері туралы жан-жақты айтып берді. Оқушылар тәжірибелік сабақтар өтетін шеберханалармен танысып, жатақхананы аралап көрді, бұл оларға студенттік өмір туралы толық түсінік алуға мүмкіндік берді. Сонымен қатар, Бакиров Б.М. колледждің жетістіктері, студенттердің түрлі байқаулар мен кәсіби жарыстардағы табыстары туралы айтып өтті, сондай-ақ түлектердің еңбек нарығында жоғары сұранысқа ие екенін атап өтті. Кездесу барысында оқушылар белсенділік танытып, өздерін қызықтырған сұрақтарын қойды. Батыр Мұратович олардың әрқайсысына мазмұнды әрі толық жауап берді. Экскурсия жылы әрі достық атмосферада өтіп, оқушыларға жағымды әсер қалдырды және болашақ мамандықты таңдауға деген қызығушылықтарын арттырды
Мағжан оқулары
Бүгін М. Жұмабаев ауданында «Мағжан оқулары» аудандық байқауы өтті. Байқау қорытындысы бойынша «Өлеңді мәнерлеп оқу» номинациясында жүлделі III орынды Совет орта мектебінің 10-сынып оқушысы Есембек Жания иеленді. Сондай-ақ «Ғылыми жобалар» номинациясында жүлделі III орынды 8-сынып оқушылары Ахматзянов Диаз пен Есембек Алихан жеңіп алды. Жетекшісі: Каирлина Жанерке Жумагалиевна Жүлдегер оқушыларды жетістіктерімен құттықтаймыз!
Ұлттық кітап күні
Бүгін, 23 сәуір күні, Совет орта мектебінде Ұлттық кітап күніне орай бірінші сабақ басталар алдында Мағжан Жұмабаевтың шығармаларын бірыңғай оқу ұйымдастырылды. Оқушылар мен педагогтар іс-шараға қызығушылықпен қатысып, көрнекті ақынның өлеңдерін оқып, оның шығармашылық мұрасымен танысты. Аталған акция оқу мәдениетін насихаттауға, рухани құндылықтарды дамытуға және ұлттық әдебиетке деген қызығушылықты арттыруға бағытталған.
«Батыр» спартакиадасы
22 сәуір күні 15–17 жас аралығындағы «Жас Сарбаз» қозғалысының мүшелері арасында «Батыр» аудандық спартакиадасы өтті. Біздің оқушылар жарысқа белсенді қатысып, өздерінің жоғары дайындық деңгейін, қайсарлығын және жеңіске деген ұмтылысын көрсетті. Белсенді қатысушылар қатарында Раймхен Альма, Кабачек Римма, Нурмагамбетова Камила, Ахмулин Алмаз, Денисов Владимир, Бракк Даниил болды.<br /> Жадан Станислав ерекше көзге түсіп, бірнеше сайыс түрінен жүлделі орындарға ие болды:<br /> — «Күштік дайындық» бойынша І орын; <br />— «Калашников автоматын толық емес бөлшектеу» бойынша І орын;<br /> — «Оқжатарды патрондармен жабдықтау» бойынша ІІ орын; <br />— «Калашников автоматын жинақтау» бойынша ІІ орын. <br />Жеңістерімен құттықтаймыз және алдағы уақытта да табыс тілейміз!
«Кітап — бұл шын мәнінде жұмыс істейтін жалғыз уақыт машинасы"
«Кітап — бұл шын мәнінде жұмыс істейтін жалғыз уақыт машинасы". Кітап оқып отырған балаларға қарап, олардың дәл қазір басқа әлемдерді зерттеп, жанашырлықты үйреніп және өз болашағының іргетасын қалап жатқанын түсінесің. Оқу тек білім беріп қана қоймайды, ол мүмкіндіктер шекарасын кеңейтеді. Осы әлемді олармен бірге ашайық!
Калашников автоматын бөлшектеу және құрастыру сайысы
20 сәуір күні Жеңіс күні мен Қазақстан Республикасының Қарулы Күштеріне арналған айлық аясында 10–11 сынып оқушылары арасында Калашников автоматын бөлшектеу және жинақтау бойынша жарыс өтті. Іс-шара әскери-қолданбалы дағдыларды дамытуға, әскер қызметіне деген қызығушылықты арттыруға, сондай-ақ жас ұрпақтың бойында патриотизм мен жауапкершілікті тәрбиелеуге бағытталды. Қатысушылар өздерінің жақсы дайындықтарын, мұқияттылығын және тапсырманы орындаудағы жылдамдықтарын көрсетті
АБАЙ ОҚУЛАРЫ
Бүгін М. Жұмабаев ауданында аудандық “Абай оқулары” байқауы өтті. Өлеңді мәнерлеп оқу номинациясы бойынша жүлделі 3-орынды Совет орта мектебінің 10-сынып оқушысы Есембеков Данияр иеленді. Жетекшісі: қазақ тілі мен әдебиеті пәні мұғалімі Каирлина Жанерке Жумагалиевна. Жарайсың Данияр! Алдағы болатын жарыстарға сәттілік тілейміз!
